Forsíða
Facebook síðan okkar Flickr myndirnar okkar YouTube myndböndin okkar Hafðu samband English version

Um Íslenska dansflokkinn

22. ágúst 2012

Sýningarár 2012-2013

Sparaðu með danskorti Íd í vetur – 40% ódýrara

Einn miði á allar fjórar uppfærslur flokksins í vetur fyrir aðeins 9.900 kr. Fullt verð fyrir allar sýningar er 16.650 kr.

Hafið samband við miðasölu Borgarleikhússins í síma 568 8000 til að tryggja ykkur Danskort Íd. Handhafar áskriftarkorts Borgarleikhússins geta einnig tekið eina eða fleiri af sýningum Íslenska dansflokksins inn í sitt val.

UPPFÆRSLUR 2012-2013

OKTÓBER
IT IS NOT A METAPHOR
Eftir Cameron Corbett

Hreinskiptin og skýr nálgun á hvernig hreyfingar, tími, rúm og tjáning fléttast saman. Dansinn er skapaður út frá léttu sjónarhorni, þótt ávallt sé stutt í það líkamlega ef ekki það nautnafulla. Verkið mun færa áhorfandann til fortíðar og sækja innblástur í hin ólíku þemu og listabylgjur sem komu fram á tuttugustu öldinni.

HEL HALDI SÍNU

Eftir Jérôme Delbey

...þegar bræður og systur rotna við endalok daga og eru gleypt af glóandi öldum; í þessari heljarreið streyma fram hvítir þræðir nýrrar sólar, nýrrar dögunar.

Er þetta dauðinn?

Frumsýnt 5. október 2012 –Stóra sviðinu í Borgarleikhúsinu.

Aðrar sýningar: 11/10, 14/10, 21/10, 18/11, 25/11


NÓVEMBER

Á NÝJU SVIÐI
Spennandi og ólík dansverk eftir Frank Fannar Pedersen, Steve Lorenz, Karl Friðrik Hjaltason og Ásgeir Helga Magnússon, Hjördís Lilju Örnólfsdóttir & Unni Elísabet Gunnarsdóttir.

Frumsýnt 22. nóvember 2012  – Nýja sviðinu í Borgarleikhúsinu

Sýningardagar: 23/11, 28/11, 2/12, 6/12, 9/12, 18/12,


FEBRÚAR
MARY POPPINS

Samstarfsverkefni Leikfélags Reykjavíkur og Íslenska dansflokksins.

Allt getur gerst í söngleiknum um Mary Poppins – ef þú leyfir því að gerast! Hér er ekkert venjulegt leikverk á ferðinni; sagan er leiftrandi og sjónarspilinu eru engin takmörk sett. Áhorfendur fylgjast með Mary Poppins lífga upp á heimilislífið í Kirsutrjárunni breyta grárri Lundúnaborg í litríkt ævintýri þar sem sótarar dansa upp um veggi og loft. Tónlistina þekkja allir og hún birtist hér í nýjum heillandi útsetningum. Dansatriðin í Mary Poppins eru stórglæsileg enda gengur Íslenski dansflokkurinn til liðs við listamenn Borgarleikhússins í þessari stórsýningu.

Frumsýnt 22. febrúar 2013 –Stóra sviðinu í Borgarleikhúsinu.

 

APRÍL

Íslenski dansflokkurinn verður fjörutíu ára árið 2013 og hefur afmælisárið með sýningunni Walking Mad eftir sænska danshöfundinn Johan Inger. Það er gamansamt verðlaunaverk og er sýnt víðs vegar í Evrópu um þessar mundir við miklar vinsældir. Annað verk kvöldsins er Ótta eftir Ásgeir Helga Magnússon, Hjördísi Lilju Örnólfsdóttur og Unni Elísabet Gunnarsdóttur.

ÓTTA
Eftir Ásgeir Helga Magnússon, Hjördísi Lilju Örnólfsdóttur og Unni Elísabet Gunnarsdóttur.

Ótta er eyktarbilið kallað frá klukkan 03:00 til 06:00. Á þessum tíma þegar flestir eru í fastasvefni finna sumir ekki eirð og ró til að hvílast. Áleitnar hugsanir þjóta um hugann eins og bílar á hraðbraut.

Hversu þykkir eru veggirnir í nábýli? Dönsum við í takt við þann sem er hinum megin? Hvað er veruleikinn og hvar taka draumarnir völdin?

  • ... verkið er í senn mjög sjónrænt og skemmtilegt. Morgunblaðið, 27. nóvember 2012
  • Danssköpunin var mjög flott Fréttablaðið, 26. nóvember 2012

WALKING MAD
Eftir Johan Inger

Walking Mad er gamansamt verk sem fléttar saman húmor, galsa og geðveiki. Johan Inger hafði orðatiltæki Sókratesar Okkur hlotnast mestu gæði gegnum brjálæði, ef það er guðsgjöf (Our greatest blessings come to us by way of madness) að leiðarljósi þegar hann samdi verkið. Walking Mad krefst mikils af dönsurunum þar sem þeir þurfa að fylgja stigmagnandi takti tónverksins Boléro eftir Maurice Ravel en samtímis tjá þær miklu tilfinningar sem fylgja verkinu.

  • Walking Mad er eitt af þessum ógleymanlegu dansverkum sem gerir þig hryggan þegar það endar. Straight.com, 9. mars 2012
  • Þetta er sú tegund dans sem maður vonast ávallt til að sjá, en hvað það er gaman að fá að upplifa það.Laura Bleiberg, LA Times, 11. apríl 2010

Frumsýnt 12. apríl – Stóra sviðinu í Borgarleikhúsinu

Aðrar sýningar: 18/4, 25/4, 28/4, 5/5, 9/5, 12/5, 20/5 og 28/5

 

Vegna ófyrirsjáanlegra aðstæðna frestast frumsýning á verkinu Tímar eftir Helenu Jónsdóttur fram á næsta sýningarár. Tímar er einstakt dansverk byggt á stefnumóti eldri og yngri kynslóða úr sögu íslenskrar danslistar og verður samið sérstaklega í tilefni af afmælisári Íslenska dansflokksins.

 

Sýningarferðir 2012-2013

Stavanger Konserthus í Stavanger

The Kennedy Center í Washington – Nordic Cool 2013

Dockan í Malmö – Repnet

  • Ótta eftir Ásgeir Helga Magnússon, Hjördís Lilju Örnólfsdóttir og Unni Elísabet Gunnarsdóttir.
  • Sýnt 15. júní 2013
Til baka
 
 

Af flickr