No Tomorrow | [ Íd ] Íslenski dansflokkurinn

Verkefnaskrá

No Tomorrow

minni_MG_9817Grímuverðlaunaverkið No Tomorrow eftir Ragnar Kjartansson, Margréti Bjarnadóttur og Bryce Dessner snýr aftur á svið Borgarleikhússins í haust.

ATH! verkið verður aðeins sýnt einu sinni.

Íslenski dansflokkurinn snýr aftur á svið með verkið No Tomorrow sem hefur verið sýnt um víða Evrópu síðustu mánuði en verkið er hluti af listhátíð Íslenska dansflokksins FÓRN.

No Tomorrow verður á dagskrá sviðslistahátíðar Lókal og Reykjavík Dance Festival Allir eru æði / Everybody´s Spectacular.

No Tomorrow hefur fengið mikið lof frá bæði gagnrýnendum og áhorfendum og hlaut Grímuverðlaunin 2017 fyrir Danshöfunda ársins og Sýningu ársins en það var í fyrsta skipti í sögu Grímunnar sem dansverk fékk titilinn sem Sýning ársins.

No Tomorrow er ballett fyrir átta dansara og átta gítara. Órafmagnaður hljómur sem ferðast í risastóru rými leiksviðsins. Ballettinn er yfirlýsing um hrynjandi, hreyfingu, hljómfall og óræðar tilfinningar. Hugleiðingar um þokka, innri kraft og list dansarans. Talning og rými. Hvernig hljóð og hljóðfærasláttur ferðast. Hvernig hljómfall vekur tilfinningu. Tónlist Bryce Dessner er samin sérstaklega fyrir þessar tilraunir. Saffó var Ragnari og Margréti hugleikin við samningu verksins. Textinn í verkinu hefur samt aðeins eina hendingu frá hörpuleikaranum frá Lesbos, hann er að mestu unninn upp úr skáldsögunni Point de Lendemain eða Dagur ei meir eftir Vivant Denon. Sagan er munúðarfullt ofurljóðrænt skáldverk frá ofanverðri 18. öld. Verk um manndómsvígsluna sem fólgin er í því að verða alvöru elskhugi á þeirri þokukenndu tíð. Þetta lítur kannski út eins og einhver Calvin Klein tískusýning en þetta er rókókó, á meira skylt við Watteau.

Íd ungmennakort

Tvær sýningar Íd á aðeins 2.900 kr.

Með Íd ungmennakorti færðu 70% afslátt af miðum á tvær uppfærslur Íd í Borgarleikhúsinu.

Fyrir 25 ára og yngri.

SALA Á UNGMENNAKORTUM HEFST FLJÓTLEGA.

Íd árskort

Tvær sýningar Íd á aðeins 5.900 kr.

Með Íd árskorti færðu 40% afslátt af miðum á tvær uppfærslur Íd í Borgarleikhúsinu.

SALA Á ÁRSKORTUM HEFST FLJÓTLEGA.

Vinafélag Íd

Vilt þú taka þátt í því að styðja við bakið á framþróun íslenskrar dansmenningar?

Íslenski dansflokkurinn hefur sett á legg vinafélag fyrir alla þá sem  láta sig starfsemi dansflokksins varða.

Félagið mun standa fyrir opnum æfingum, kynningum á verkum, umræðum eftir sýningar og árlegum kynningarkokteil.

Allir geta orðið meðlimir í Vinafélaginu og hægt er að skrá sig með því að senda póst á vinafelag@id.is.

Árgjald Vinafélagsins er 3.500 kr.

sadsad