RÓMEÓ | [ Íd ] Íslenski dansflokkurinn

RÓMEÓ <3 JÚLÍA


Verk eftir Ernu Ómarsdóttur og Höllu Ólafsdóttur við tónlist Sergeis Prokofievs.

Íslenski dansflokkurinn og Þjóðleikhúsið taka höndum saman og færa okkur Rómeó + Júlíu, stórbrotið dansverk Ernu Ómarsdóttur og Höllu Ólafsdóttur í túlkun dansara Íslenska dansflokksins. Um er að ræða frumflutning verksins á Íslandi.

RÓMEÓ <3 JÚLÍA var upphaflega skapað í samstarfi við dansara Gärtnerplatz leikhússins í München og frumsýnt árið 2018 en er nú endurskapað í samvinnu við dansara Íslenska dansflokksins. Sígildur harmleikur Shakespeares er rækilega afbyggður og brotinn niður í fjölmargar frásagnir sem gerast samhliða svo úr verður veröld full af lostafullri þrá, líkamsvessum og logandi eldtungum, særingarmætti öskursins og heilandi ást – undir skæru og neonlituðu hjarta.  Saman við renna ævintýraleg sviðsmynd og búningar, mögnuð vídeóverk og stórkostleg tónlist Sergeis Prokofievs svo úr verður sýning sem lætur enga ósnortna.


Sýningin er hugrökk, dásamleg, þokkafull og óhugnaleg. Sigur fyrir hina fullkomnlegu óhræddu íslendinga” – BR Klassik

Aldrei áður hefur danssýning hrakið, heillað og ruglað mig allt á sama tíma. Mig langaði bara að fara heim á milli, en var dolfallinn af athöfnunum á sviðinu.” – Kassik Begeistert

Rómeó ❤️ Júlía rennur yfir undirlag meðvitundar – eins og blóðugur lækur sem finnur leið sína í sjóinn” – Munich and co.


Danshöfundar og listrænir stjórnendur: Erna Ómarsdóttir og Halla Ólafsdóttir
Tónlist: Sergei Prokofiev
Sviðsmynd: Chrisander Brun
Vídeó: Valdimar Jóhannsson
Búningar: Sunneva Ása Weishappel
Lýsing: Jóhann Friðrik Ágústsson & Chrisander Brun

Dansarar: Charmeng Pang, Elín Signý W. Ragnarsdóttir, Erna Gunnarsdóttir, Félix Urbina Alejandre, Halla Þórðardóttir, Inga Maren Rúnarsdóttir, Shota Inoue, Sigurður Andrean Sigurgeirsson, Una Björg Bjarnadóttir og Þyri Huld Árnadóttir


Frumsýnt 2021 í Þjóðleikhúsinu


Vinafélag Íd

Vilt þú taka þátt í því að styðja við bakið á framþróun íslenskrar dansmenningar?

Íslenski dansflokkurinn hefur sett á legg vinafélag fyrir alla þá sem  láta sig starfsemi dansflokksins varða.
Félagið mun standa fyrir opnum æfingum, kynningum á verkum, umræðum eftir sýningar og árlegum kynningarkokteil.
Allir geta orðið meðlimir í Vinafélaginu og hægt er að skrá sig með því að senda póst á vinafelag@id.is.

Árgjald Vinafélagsins er 3.500 kr.

sadsad