Katrín Ingvadóttir

katríningvaÆfingastjóri

Menntun: Jassballetskóli Báru, Balletskóli Sigríðar Ármanns, Listdansskóli Þjóðleikhússins, Arts Educational School of London.

Starfsreynsla: Katrín var fastráðin hjá Íslenska dansflokknum árin 1993 -2011 og tók þátt í flest öllum sýningum hans á þeim tíma ásamt því að taka þátt í sýningarferðum flokksins um N-Ameríku, Asíu og mjög víða í Evrópu.
Katrín dansaði einnig í fjölda sýninga, m.a. hjá Íslensku óperunni, Leikfélagi Reykjavíkur, Þjóðleikhúsinu, Íslenska Jassballetflokknum, Íslensku óperunni, BBC og fl.

Einnig hefur Katrín samið fjölda verka og sett upp margar sýningar. Katrín var danshöfundur á Galdrakarlinum í Oz í uppsetningu Leikfélags Reykjavíkur 2011,  danshöfundur og aðstoðarleikstjóri á Gulleyjunni í uppsetningu Leikfélags Akureyrar í febrúar 2012 og Leikfélags Reykjavíkur í september 2012 og danshöfundur á Óvitum í uppsetningu Þjóðleikhússins 2013. Katrín samdi þrjú verk fyrir DANSleikhúsið, var danshöfundur í söngleiknum „Prinsessan“ , og hefur samið dansa og hreyfingar m.a. fyrir Verslunarskóla Íslands, Intercoiffure þar sem sýningarnar voru sýndar m.a á Waldorf Astoria í New York, sumaróperuna, Leikfélag Reykjavíkur og margt fleira.

Katrín hefur einnig séð um uppsetningu á verkinu Kvart eftir danshöfundinn Jo Strömgren bæði í Svíþjóð og Danmörku. Einnig sá hún um uppsetningu á verkunum Kvart og Grossstadtsafari bæði í New York og Stavanger fyrir Íslenska dansflokkinn árið 2012.

Katrín var aðalþjálfari og ráðgjafi fyrir sjónvarpsþáttinn Dans Dans Dans 2011 og 2012. Hún er einn af stofnendum grínspunahópsins „Follow The Fun“ og einnig hefur hún séð um verkefnastjórn fyrir Dansverkstæðið.

Katrín kennir einnig á framhaldsbraut Danslistarskóla JSB og hefur samið fjölda verka fyrir nemendur skólans. Hún hefur einnig séð um kennslu m.a. hjá Íslenska dansflokknum, Listdansskóla Íslands og Listaháskólanum.

Netfang: kata@id.is

sadsad