Íslenski dansflokkurinn frumsýnir tvö glæný dansverk á Norður og niður, listahátíð hljómsveitarinnar Sigur Rós, í samvinnu við Sigur Rós og Listahátíð í Reykjavík. Fyrir Norður og niður hafa meðlimir Sigur Rósar valið sína uppáhaldslistamann og báðu þeir Ernu Ómarsdóttur og Íslenska dansflokkinn að útbúa nýtt dansverk fyrir hátíðina við nýja tónlist hljómsveitarinnar. Erna bauð svo Ásrúnu Magnúsdóttur og Alexander Roberts að taka þátt í þessu ævintýri með flokknum og semja verk fyrir börn og fullorðna.

The Great Gathering eftir þau Ásrúnu og Alexander er samið í samvinnu við dansara Íd og er flutt af dönsurunum ásamt 10 krökkum á aldrinum 9-16 ára. Verkið er flutt við tónlist listamanna sem koma fram á hátíðinni sem sýnir í klukkutíma dansverki þann fjölbreytileika sem finna má í bæði innlendu og erlendu tónlistarlífi.

Myrkrið faðmar (e. At dusk, we embrace) eftir þau Ernu Ómarsdóttur og Valdimar Jóhannsson í samvinnu við dansara Íd er samið við splunkunýja og hreint út sagt magnaða tónlist Sigur Rósar. Útkoman er tilfinningaþrungið dulrænt karnival þar sem dansarar Íd dansa, öskra og berjast til að losa sig við byrðir fortíðarinnar og faðma nóttina endalausu.

Íslenski dansflokkurinn frumflytur verkin þann 29/12 í Flóa í Hörpunni og verður önnur sýning á laugardeginum 30/12.