Védís Kjartansdóttir | [ Íd ] Íslenski dansflokkurinn

Védís Kjartansdóttir

Þjóðerni

Íslensk

Menntun

Lauk stúdentsprófi frá Menntaskólanum við Hamrahlíð og fór þaðan í dansskólann P.A.R.T.S. (Performing Arts Research & Training Studios) í Belgíu, þar sem hún útskrifaðist vorið 2012. Einnig er hún með meistaragráðu í hagnýtri menningarmiðlun frá Háskóla Íslands.

Reynsla

Védís hefur dansað með Íslenska dansflokknum síðan 2017. Hún hefur m.a. dansað fyrir Bíbí og blaka, Ernu Ómarsdóttur, Höllu Ólafsdóttur, Camillu Monga og Katrínu Gunnarsdóttur svo eitthvað sé nefnt. Hún var aðstoðardanshöfundur fyrir Calmus Waves eftir Kjartan Ólafsson og Kasper Ravnhoj, og einnig fyrir Shades of History eftir Katrínu Gunnarsdóttur ásamt því að vera stundakennari við Listaháskóla Íslands. Síðan 2018 hefur hún verið hluti af rannsóknarverkefni Steinunnar Ketilsdóttur; EXPRESSIONS: the power and politics of expectations in dance.

Védís er hluti af listræna teyminu Marmarabörnum en sýningar þeirra hafa vakið mikla athygli síðustu misseri. Sýning þeirra, Moving Mountains in Three Essays, var útnefnd sem sýning ársins í Evrópu og var hópurinn jafnframt valinn einn af rísandi stjörnum í Þýskalandi af tímaritinu Tanz sem er eitt það stærsta og virtasta í Evrópu sinnar tegundar. Hópurinn var tilnefndur til Grímuverðlauna sem danshöfundur ársins árið 2019 fyrir Moving Mountains. Nýjasta verk þeirra, Eyður, var tilnefnt til 11 Grímuverðlauna m.a. sem sýning ársins árið 2020 og hneppti þrenn, Dans- og sviðshreyfingar, tónlist og búninga.

Verðlaun

Védís hefur einnig verið tvisvar tilnefnd til Grímunnar sem dansari ársins, árin 2017 fyrir Da Da Dans eftir Rósu Ómarsdóttur og Ingu Huld Hákonardóttur og 2018 fyrir Crescendo eftir Katrínu Gunnarsdóttur

Dansarar

Ásgeir Helgi Magnússon
Charmene Pang
Elín Signý W. Ragnarsdóttir
Emilía Benedikta Gísladóttir
Erna Gunnarsdóttir
Félix Urbina Alejandre
Halla Þórðardóttir
Inga Maren Rúnarsdóttir
Saga Sigurðardóttir
Shota Inoue
Sigurður Andrean Sigurgeirsson
Una Björg Bjarnadóttir
Védís Kjartansdóttir
Þyri Huld Árnadóttir

Vinafélag Íd

Vilt þú taka þátt í því að styðja við bakið á framþróun íslenskrar dansmenningar?

Íslenski dansflokkurinn hefur sett á legg vinafélag fyrir alla þá sem  láta sig starfsemi dansflokksins varða.
Félagið mun standa fyrir opnum æfingum, kynningum á verkum, umræðum eftir sýningar og árlegum kynningarkokteil.
Allir geta orðið meðlimir í Vinafélaginu og hægt er að skrá sig með því að senda póst á vinafelag@id.is.

Árgjald Vinafélagsins er 3.500 kr.

sadsad