Á vit...

Á vit… er framandi ferðalag skilningarvitanna um heim dans, tónlistar og myndmáls. Á vit… býður áhorfendum í ferðalag þar sem dans, tónlist og myndir kalla fram framandi viðbrögð skilningarvitanna. Þetta er óhefðbundið verkefni þar sem nokkrir af fremstu listamönnum Íslands taka höndum saman og leiða okkur inn í veröld – iðandi af lífi og óvæntum uppákomum á vorkvöldi í miðborg Reykjavíkur.

Frumsýnt 18 maí 2012 í Norðurljósasal Hörpu.

Íslenski dansflokkurinn og GusGus bjóða til veislu, í samstarfi við Hörpu og Listahátíð í Reykjavík, þar sem sameinaðir eru kraftar ólíkra listforma og frumsýndar verða stuttmyndir Reynis Lyngdal og Katrínar Hall. Filippía Elísdóttir og Aðalsteinn Stefánsson sjá um umgjörð verksins, leikmynd og búninga. Sameinaður sköpunarkraftur hópsins með dansara flokksins í fararbroddi ásamt nýrri frumsaminni tónlist frá GusGus er uppspretta verksins.

Danshöfundar:
Aðalheiður Halldórsdóttir, Ásgeir Helgi Magnússon, Cameron Corbett, Emilía Benedikta Gísladóttir, Hannes Þór Egilsson, Hjördís Lilja Örnólfsdóttir, Inga Maren Rúnarsdóttir, Lovísa Ósk Gunnarsdóttir og Þyri Huld Árnadóttir ásamt listrænum stjórnanda Katrínu Hall.

Tónlist:
GusGus

Búningahönnun:
Filippía Elísdóttir og Ýr Þrastardóttir

Sviðs- og ljósahönnun:
Aðalsteinn Stefánsson

Æfingastjóri:
Tinna Grétarsdóttir