Íslenski dansflokkurinn leggur land undir fót

Íslenski dansflokkurinn er nú í óðaönn að undirbúa sýningaferðalög sumarsins. 28.júní næstkomandi sýnir flokkurinn hið margrómaða verk „Ball” eftir þau Ásrúnu Magnúsdóttur og Alexander Roberts á True Northern Art Festival í Noregi. Í júlí er flokknum svo boðið á hina virtu danshátíð „Julidans” í Amsterdam og mun sýna „Rómeó og Júlíu í nærmynd” eftir þær Ernu Ómarsdóttur og Höllu Ólafsdóttur. Sýningarnar í Amsterdam fara fram 5. og 6. júlí.

Nánari upplýsingar og miðasala:
Ball / Noregi - festspillnn.no
Rómeó og Júlía í nærmynd / Hollandi - julidans.nl