Í sköpunarferlinu vann Lachky náið með dönsurum Íslenska dansflokksins enda tekst honum að laða fram sérkenni hvers dansara og flétta þeim sérkennum saman við persónulegan, hnyttinn og duttlungafullan stíl sinn.

„Hver dansari er í mínum augum eins og teiknimyndafígúra. Ég reyni að sjá þau eins og þau eru, þó með mínum eigin augum“ segir Lachky. „Annar mjög mikilvægur þáttur í vinnslu verksins er líkamlegi þátturinn, sem endurspeglar þéttleika og kraft líkamans, fegurð dansins í sínum margbreytileika en um leið í einfaldleika sínum.

Anton Lachky og dansarnir fengu Grímuna sem danshöfundar ársins 2011.