Helena ákvað að leggja drög að verki sem ekki aðeins fjallaði um slíkar uppsprettur en virkjaði þær jafnframt sem hreyfiafl. Fyrir vikið dæmist sköpun hennar í þessu verki til eilífrar endurmótunar. Handritið og hugmyndin eru höfundarins en hver uppfærsla er hins vegar lituð, líkt og viðfangsefnið gefur tilefni til, af margvíslegu framlagi þeirra sem taka þátt í sviðsetningunni hverju sinni. Sömuleiðis af menningu og sögu hvers staðar, tónlistarhefð, fjölmiðlun, sagnamenningu, umhverfi, veðri og vindum.