While in battle I'm free, never free to rest eftir virta danshöfundinn Hooman Sharifi verður sýnt í síðasta sinn núna á föstudaginn, 7. mars.

Í sýningunni mætast tveir ólíkir dansheimar – street-dansarar og samtímadansarar – hvor með sitt einstaka tungumál og rytma. En á sviðinu er einnig tónlistin, flutt í beinni af tónlistarmanninum Arash Moradi, sem leikur á tanbur, fornt strengjahljóðfæri með rætur í persneskri og kúrdískri tónlistarhefð. Tónlist hans er sameiningarafl sem tengir ólíka heima saman í einn takt og dregur fram spennu, samhljóm og kraftinn í dansinum.

Listamannaspjall

Eftir lokasýninguna 7. mars er gestum boðið að hlýða á lifandi samtal milli tónlistarmannanna Arash Moradi og Elham Fakouri.

Arash Moradi kemur frá þekktri tónlistarfjölskyldu í Kúrdistan og er virtur meistari á tanbur. Hann hefur unnið með tónlistarmönnum víða um heim og notar tónlist sína til að skapa brú á milli ólíkra menningarheima. Elham Fakouri er persneskur tónlistarmaður og hefur verið búsett á Íslandi um árabil.

Þetta er einstakt tækifæri fyrir tónlistarnema að upplifa hvernig tónlist getur verið brú á milli ólíkra listforma og menningarheima.

Tryggðu þér miða hér.