„Transaquania – Into thin Air“ er sjálfstætt framhald af hinu óvenjulega verki „Transaquania – Out of the Blue“ sem Íslenski dansflokkurinn sýndi í Bláa Lóninu í apríl 2009 og var valin sýning ársins af gagnrýnendum Morgunblaðsins.

Verkið var fært inn á Stóra svið Borgarleikhússins þar sem saga og þróun þessara kynjavera Bláa lónsins hélt áfram. “Transaquania-Into thin Air” kannar aðrar hliðar þessara kynjavera.

Í þessu nýja dansverki taka, Erna, Damien og Gabríela áhorfendur í epískt ferðalag og kanna hið viðkvæma jafnvægi og hinn þunna þráð milli hins efnislæga, hins líkamlega og hins ljóðræna. Saman hefur þessi sterki hópur listafólks skapað heim kynjavera þar sem dansinn, myndlistin og tónlistin mynda sterka heild.