Hooman Sharifi

Danshöfundurinn Hooman Sharifi (NO) fæddist í Teheran árið 1973 og fluttist einn síns liðs til Noregs 15 ára gamall. Dansáhugi hans vaknaði með hip hop dansi á táningsaldri en um tvítugt hóf hann nám í klassískum ballett og módern dansi. Hann útskrifaðist síðar sem danshöfundur frá Listaháskólanum í Osló og hefur, í listsköpun sinni, áhuga á að vinna á mörkum dans, leikhúss og myndlistar.  Árið 2000 stofnaði Sharifi eigin dansflokk, Impure Company, þar sem hann hefur lagt áherslu á pólitíska nálgun og félagslega þátttöku, en verkin spanna nú yfir 30 talsins. Með líkamlega krefjandi, áköfu og kröftugu, hreyfitungumáli kannar Sharifi tilfinningar og uppbyggingu á bak við valdapíramída, völd, stjórnmálakerfi og ofbeldi, sem hann framkallar með nákvæmum hreyfingum og sviðsáhrifum.

Arash Moradi

Arash Moradi fæddist í kúrdísku borginni Kermanshah í Vestur-Íran. Hann er elsti sonur fremsta tanbur-leikarans í Íran, Aliakbar Moradi. Arash byrjaði snemma að læra tanbur af föður sínum sem hann fylgdi síðar með á fjölmörgum tónleikum og hátíðum um Íran og Evrópu eins og St. John's Smith Square í London, XIII Cantigas do maio í Portúgal og Racines hátíðinni í Toulouse. Arash lék einnig á Rhythm Stick Festival í London.

Hann var í samstarfi við BBC radio 4 sem gestatónlistarmaður árið 2006 auk þess sem hann kom fram sem einleikari í Queen Elizabeth Hall í London. Þar að auki var honum boðið á kvikmyndahátíðina í Rotterdam í Hollandi til að spila persneska hefðbundna tónlist. Undanfarið hafa Arash og yngri bróðir hans Kourosh margoft komið fram sem Yarsan Ensemble í Bandaríkjunum til að kynna kúrdíska tónlist og menningu.

Arash býr í London þar sem hann kennir tanbur, heldur námskeið um persneska og kúrdneska tónlist og er einnig í samstarfi við mismunandi tónlistarmenn alls staðar að úr heiminum.

Dansarar

Tónlist:
Arash Moradi