Jóladraumar

JÓLADRAUMAR er ævintýraleg aðventustund fyrir alla fjölskylduna.
Að sýningu lokinni er slegið upp skemmtilegu jólaballi þar sem gestir dansa í kringum lifandi jólatréð.
Gestir geta einnig skrifað jólakveðju á fallegt kort og sent í rauða póstkassann fyrir framan sviðið — pósturinn sér um restina!

Tónlistin í sýningunni er allt í senn frumsamin tónlist Ásgeirs, útsetningar hans á kunnuglegum jólalögum og lög úr hinni sígildu jólamynd a Charlie Brown Christmas með Vince Guaraldi trio. Við hlökkum til að eiga notalega stund með ykkur á aðventunni. Athugið að sýningin hentar öllum börnum frá 2 ára aldri, óháð móðurmáli.

Jólin nálgast. Dimmir dagar faðma okkur, snjókorn falla og kertaljós lýsa leiðina að jólaskapinu. Ung stúlka verður forvitin um hinn dularfulla jólaanda og eltir ljósin í leit sinni að sannri merkingu hans. Á vegferð sinni hittir hún töfrandi fyrirbæri, frekar fúlan jólakött, hræddan héra og illa lyktandi skötu. Nýju vinirnir og uppáhalds tréð hennar í skóginum hjálpa henni að átta sig á því að jólaandinn býr innra með henni og góðvild getur fengið hvern sem er til að brosa.

Gleðilega JÓLADRAUMA
Íslenski dansflokkurinn

Jólasýning fyrir alla fjölskylduna á Nýja sviði Borgarleikhússins.

Lengd er um klukkustund.

Að sýningu lokinni verður slegið upp jólaballi á sviðinu. Sannkölluð fjölskyldustund í aðdraganda jóla.

Kaupa miða

Afslöppuð sýning – Sunnudagur 21. desember kl 11:00

Á þessari sýningu eru ljós dempuð í salnum, hurðin er opin allan tímann og gestir geta farið frjálslega inn og út. Færri áhorfendur eru í salnum og pláss er til að hreyfa sig á meðan á sýningu stendur.
Í forsal er skynrými þar sem hægt er að fá hvíld frá áreiti. Heyrnarskjól eru í boði hjá starfsfólki. Aðgengisfulltrúar, greinilega merktir, eru á staðnum til að veita aðstoð og upplýsingar.

Tímarammi og dagskrá

Opnað er inn í sal 30 mínútum fyrir sýningu fyrir þá sem vilja skoða rýmið áður en sýning hefst.
Sýningin er 40 mínútur.
Í lok sýningar er boðið upp á jólaball og kennslu á nokkrum danssporum undir stjórn Harpa Arnardóttir. Þátttaka er valkvæð.

Persónur í sýningunni

Stúlkan – Sara Lind
Héri 1 – Emilía
Héri 2 – Harpa
Jólakötturinn – Shota
Jólaskatan – Emilía
Þari – Harpa
Jólatré – Harpa

Aðgengi í Borgarleikhúsið

Salir eru með brekku og tröppum, en hluti salar er alltaf tröppulaus og aðgengilegur.
Mælt er með að hafa samband við miðasölu til að tryggja gott sætaval.
Hjólastólaðgengi er í öllum sölum og hægt er að fá lánaðan hjólastól í forsal.
Hjólastólamiðar eru bókaðir í gegnum miðasölu.

Heyrnaraðstaða

Allir salir eru búnir tónmöskva fyrir notendur heyrnartækja og hægt er að fá móttakara í forsal.
Heyrnarhlífar eru einnig í boði til láns á meðan sýningu stendur.

Snerti-skoðunarferð

Í boði er snerti-skoðunarferð fyrir blinda og sjónskerta þar sem hægt er að snerta leikmynd og leikmuni áður en sýning hefst. Ferðin tekur um 20 mínútur og þarf að bóka hana hjá miðasölu.

Inga Maren Rúnarsdóttir

Inga Maren hefur unnið hjá Íslenska dansflokknum frá árinu 2011. Jafnframt hefur hún starfað í verkefnum erlendis og með sjálfstæðum hópum hér á landi. Inga Maren lauk BA prófi við London Contemporary Dance School, er með kennsluréttindi í Flying Low og Passing Through tækni frá David Zambrano og er menntaður Yogakennari.

Júlíanna Lára Steingrímsdóttir

Júlíanna hefur unnið með Íslenska dansflokknum frá árinu 2012 sem búninga- og sviðsmyndahöfundur. Júlíanna lauk BA prófi við Central Saint Martins listaháskólann í London árið 2010 og hefur starfað sem búninga- og leikmyndahönnuður fyrir kvikmyndir, þætti, stuttmyndir, tónlistarmyndbönd, auglýsingar og leikhús.

Höfundur og danshöfundur:
Inga Maren Rúnarsdóttir

Sviðsmynd og búningar:
Júlíanna Lára Steingrímsdóttir

Tónlist:
Ásgeir Aðalsteinsson

Hljóðmynd:
Þorbjörn Steingrímsson

Myndahöfundur; sviðsmynd & veggspjald:
Auður Þórhallsdóttir

Ljósahönnun:
Pálmi Jónsson

Búningagerð:
Alexía Rós Gylfadóttir

Dramatúrg:
Harpa Arnardóttir

Leikmyndasmiði og sviðsetning:
Bryndís Ósk Þ. Ingvarsdóttir

Flytjendur og dansarar:

Stúlka:
Sara Lind Guðnadóttir

Jólaköttur:
Shota Inoue

Héri & Skata:
Emilía Benedikta Gísladóttir

Jólatré og héri:
Harpa Arnardóttir

Pósturinn er stuðningsaðili sýningarinnar.

Sýningarárið 2025–2026

Garðurinn

Hringir Orfeusar

Flóðreka