Sara Lind útskrifaðist með B.A.-gráðu í samtímadansi frá Listaháskóla Íslands vorið 2024. Á meðan á námi hennar stóð, fór hún í starfsnám erlendis hjá GöteborgsOperans Danskompani, auk þess að dansa á Íslandi sem nemi með Íslenska dansflokknum í verkinu Árstíðirnar eftir Völu Rúnarsdóttur og Snædísi Lilju Ingadóttur. Sem hluti af starfsnámi sínu árið 2023 starfaði Sara sem aðstoðardanshöfundur hjá Mari Carrasco við uppsetningu Unga Klara á verkinu Romeo & Julia.

Á námsferlinum vann Sara með ýmsum listamönnum, þar á meðal Shannon Gillen, Jason Cianciulli, Ingu Huld Hákonardóttur, Katrínu Gunnarsdóttur, Sandrine Cassini, Samir Calixto, Karin Jameson, Oliver Reese, Aðalheiði Halldórsdóttur og Sögu Sigurðardóttur, svo dæmi séu tekin.

Sara vinnur nú með Íslenska dansflokknum í verkinu Jóladraumar eftir Ingu Maren Rúnarsdóttur.