Starfsreynsla

Elín Signý hefur starfað hjá Íslenska dansflokknum síðan 2015. Á þeim tíma hefur hún unnið með fjölda danshöfunda, á borð við Tom Weinberger, Anton Lachky, Ernu Ómarsdóttur, Damien Jalet, Hooman Sharifi, Elinu Pirinen, Peter Ampe, Alexander Roberts, Ásrúnu Magnúsdóttur, Ragnar Kjartansson, Margréti Bjarnadóttur, Steinunni Ketilsdóttur, Margréti Söru Guðmundsdóttur, Rósu Ómarsdóttur og Kötu Gunnarsdóttur.

Elín Signý hefur einnig starfað með dansflokkum erlendis: Retina Dance Company í Belgíu (2013), Mute Comp. Physical Theater í Kaupmannahöfn (2014 og 2016) og The Nordic Beast í Kaupmannahöfn (2018). Hún tók þátt í samstarfsverkefni Íslenska dansflokksins og Nagelhus Schia Productions í Osló (2020) og dansaði í Chiroptera eftir Damien Jalet og JR í París árið 2023. Að auki hefur hún dansað og samið fyrir auglýsingar og tónlistarmyndbönd.

Elín Signý er stofnmeðlimur, danshöfundur og dansari í spunadanshópnum Kraftverki sem kemur reglulega fram á Íslandi.

Verðlaun og tilnefningar

Gríman – dansari ársins 2024.

Tilnefnd sem dansari ársins 2014, 2016, 2017, 2018, 2019 og 2020.

Tilnefnd sem danshöfundur og sproti ársins 2014.