HVERFA

Hverfa: verða á bak og burt, verða að engu, eyðast, fara burt, líða burt, týnast. Einnig dofna, mást út.

Hverfa er óður til negatívunnar og þess sem blasir ekki við, líkt og ranghverfa á flík, herðatré á tómum fatarekka, hátalarasnúra í flækju eða annað sem við tökum að öllu jöfnu ekki eftir. Verkinu má líkja við upphafningu á aukaatriðum þar sem hið ósýnilega verður sýnilegt. Í Hverfu mætast tveir dansarar í nokkurs konar sálumessu til leikhússins og þess sem á það til að hverfa í bakgrunninn.

Melkorka Sigríður Magnúsdóttir er danshöfundur, nýsköpunarfræðingur og popptónlistarkona sem leikur sér með mörk dans og hljóðs í verkum sínum.

Dansverk eftir Melkorku Sigríði Magnúsdóttur

Frumsýnt 1. nóvember á stóra sviðinu Borgarleikhússins

Today

Mán

Þri

Mið

Fim

Fös

Lau

Sun

Hverfa/Órætt algleymi

Kaupa miða

Melkorka Sigríður Magnúsdóttir

Melkorka Sigríður Magnúsdóttir lærði danssmíði við SNDO í Amsterdam og samtímadans við P.A.R.T.S (Performing Arts Research and Training Studios) i Brussel. Frá útskrift hefur Melkorka unnið með samband og mörk tveggja miðla; tónlistar og danslistar. Hún hefur samið hreyfingar, við leikverk, dansverk og tónverk og unnið með danshöfundum, tónlistarfólki og sviðslistahópum á borð við Wim Vandekeybus/Ultima Vez, Íslenska Dansflokknum, John the Houseband, Katrínu Gunnarsdóttur, Sigríði Soffíu Níelsdóttir og Árna Rúnar Hlöðversson. Verkið Milkywhale, hlaut Menningarverðlaun DV 2015 og tvær tilnefningar til Grímunnar sama ár. Milkywhale umbreyttist í popphljómsveit sem hefur meðal annars spilað á tónlistarhátíðunum Hróarskeldu, Reeperbahn og Sónar Reykjavík. Verk hennar hafa hlotið fjölda tilnefninga og verið verðlaunuð en Melkorka hlaut Grímuna sem annar tveggja danshöfunda fyrir verkið Coming Up árið 2013. Síðustu ár hefur Melkorka unnið að samtali nýsköpunar og sviðslista með verkinu Ok, bye þar sem erindi og umræður frá frumkvöðlum tvinnast saman við listrænar uppákomur, tónlist og sjónræna upplifun.