Matthea Lára Pedersen er sjálfstætt starfandi dansari búsett í Hollandi. Hún útskrifaðist úr samtímadeild Konunglega Sænska Ballettskólans árið 2020. Í kjölfarið var hún starfsnemi hjá MiR Dance Company í Þýskalandi og starfaði síðar sem sjálfstætt starfandi dansari með Cooperativa Maura Morales í Þýskalandi og Helenu Franzén í Svíþjóð.

Matthea hóf síðan störf hjá Nagelhus Schia Productions í Noregi, þar sem hún dansaði í verkum eftir Tom Weinberger, Ernu Ómarsdóttur og Damien Jalet. Árið 2022 varð hún hluti af hópnum Ivgi&Greben í Hollandi, og árið 2024 hóf hún störf með Shechter II, þar sem hún ferðaðist um Evrópu með sýninguna “From England with Love” eftir Hofesh Shechter – alls 92 sýningar.

Matthea starfar þessa dagana í Noregi með Jo Strømgren Kompani í sýningunni “The Convent” og með Íslenska dansflokknum í “The Garden” eftir Korsia.