Starfsreynsla:
Saga dansaði fyrst með Íslenska dansflokknum í verkinu Lúna eftir Láru Stefánsdóttur (2004). Næst var það Rhythm of Poison eftir Elinu Pirinen (2020), Rómeó + Júlía eftir Ernu Ómarsdóttur og Höllu Ólafsdóttur, og Orpheus + Eurydice eftir Ernu Ómarsdóttur og Valdimar Jóhannsson sem sett var upp í Freiburg Theater (2022). Sem höfundur hefur Saga sett upp með Íd verkin Blýkufl  (2015), This Grace (2019) ásamt Höllu Þórðardóttur og Hannesi Egilssyni, og Garðurinn (2023) í tilefni af 50 ára afmælishátíð dansflokksins.

Auk eigin verkefna sem danshöfundur dansaði Saga með kompaníi Alexöndru Bachzetsis (Sviss) á árunum 2008-2014. Saga starfar sem meðlimur í sviðslistakollektífunum Marmarabörn (Marble Crowd) og The Post Performance Blues Band en hefur auk þess átt samstarf og komið fram með fjölda listamanna hérlendis og erlendis, m.a. Gjörningaklúbbnum, tónlistar- og myndlistarkonunni Peaches og danshöfundinum Rósu Ómarsdóttur (Molta, 2024). Saga samdi sviðshreyfingar fyrir söngleikinn Eitruð lítil pilla í Borgarleikhúsinu (2024).

Saga hefur um árabil starfað sem kennari og dósent við Sviðslistadeild Listaháskóla Íslands.    

Viðurkenningar:
Saga hefur hlotið ýmsar tilnefningar til Grímuverðlauna fyrir verk sín og hreppti þau sem danshöfundur ásamt Marble Crowd fyrir EYÐUR (2019) og ásamt Margréti Bjarnadóttur fyrir Húmanimal eftir Mig og vini mína (2009). Saga hlaut tilnefningu sem dansari ársins 2015 fyrir sólóverkið Macho Man eftir Katrínu Gunnarsdóttur, og 2022 fyrir hlutverk sitt í Rómeó+Júlía.