Listdansstjóri Íslenska dansflokksins er Erna Ómarsdóttir, dansari og danshöfundur. Erna hefur verið í forsvari fyrir Íd frá árinu 2015. Í hennar tíð hefur áhersla verið lögð á að víkka út hið kunna hugtak „samtímadans“ og hvetja til aukinnar samvinnu, hvort heldur sem er á milli stofnana eða listafólks. Erna hefur  einnig einbeitt sér að því að brjóta niður múra á milli listgreinanna, hvað vinnuaðferðir varðar og efnistök. Dansflokkurinn hefur þannig á síðustu árum unnið þétt með tónlistarmönnum á borð við SigurRós, Ben Frost og Önnu Þorvaldsdóttur, en einnig í félagi við myndalistarmenn eins og Matthew Barney, Gabríelu Friðriksdóttur og Ragnar Kjartansson. Þessi aðferðfræði og sýn hefur skapað Íslenska dansflokknum sérstakan sess í hópi framsæknustu dansflokka Evrópu. Gott orðspor Íd er þó ekki síst að þakka dönsurum flokksins, en Íslenski dansflokkurinn hefur á skipa fjölbreyttum hópi afburðadansara sem taka virkan þátt í listsköpuninni hverju sinni og bera hróður Íd víða um lönd, hvort sem borið er niður í Southbank Centre í Lundúnum, Onassis listamiðstöðinni í Aþenu eða Civic Centre Theatre í Hong Kong.