Rómeó & Júlía
— í nærmynd

Íslenski dansflokkurinn sýnir Rómeó og Júlíu — í nærmynd á Nýja sviði Borgarleikhússins í vor. Verkið er ný uppfærsla á eldra verki sem var upphaflega skapað í samstarfi við dansara Gärtnerplatz leikhússins í München og frumsýnt á stóra sviði Borgarleikhússins 2021. Í nýju uppfærslunni eru áhorfendur í meiri nálægð við verkið sem gerir upplifunina einstaka.

Sígildur harmleikur Shakespeares er rækilega afbyggður og brotinn niður í fjölmargar frásagnir sem gerast samhliða svo úr verður veröld full af lostafullri þrá, líkamsvessum og logandi eldtungum, særingarmætti öskursins og heilandi ást – undir skæru og neonlituðu hjarta. Saman við renna ævintýraleg sviðsmynd og búningar, mögnuð vídeóverk og stórkostleg tónlist Sergeis Prokofievs svo úr verður sýning sem lætur enga ósnortna.

Verk eftir Ernu Ómarsdóttur og Höllu Ólafsdóttur við tónlist Sergeis Prokofievs.

Frumsýnt 1. október 2021 í Borgarleikhúsinu.

Today

Mán

Þri

Mið

Fim

Fös

Lau

Sun

Kaupa miða

„Sýningin er hugrökk, dásamleg, þokkafull og óhugnaleg. Sigur fyrir hina fullkomlega óhræddu íslendinga”
– BR Klassik

„Aldrei áður hefur danssýning hrakið, heillað og ruglað mig allt á sama tíma. Mig langaði bara að fara heim á milli, en var dolfallinn af athöfnunum á sviðinu.” – Klassik Begeistert

„Rómeó ❤️ Júlía rennur yfir undirlag meðvitundar – eins og blóðugur lækur sem finnur leið sína í sjóinn”

– Munich and co.

Halla Ólafsdóttir (t.h.)

Halla Ólafsdóttir býr í Stokkhólmi þar sem hún vinnur sem dansari og danshöfundur. Hún útskrifaðist úr mastersnámi í kóreógrafíu við SKH (sem áður hét DOCH) einnig stundaði hún dansnám við Balettakademien í Stokkhólmi. Samruni há- og lágmenningar er Höllu huglægur í listrænni vinnu og er einkennandi í verkum hennar. Hún notast oft við þekkt minni úr list, dansi og dægurmenningu og rannsakar hvað gerist þegar sett er í nýtt samhengi.

Ásamt Amanda Apetrea hefur hún skapað og ferðast um sýningarnar Sälkvinnorna (2023), DEAD (2017) og Beauty and the Beast (2011) sem vann Prix Jardin d'Europe verðlaunin 2013. Halla og Eliisa Erävalo hafa skapað sýningarnar Granddaughters (2022), Bitch (2021) og BITCHCRAFT (2017). Ásamt Ernu Ómarsdóttur hefur Halla búið til The Juliet Duet (2022) og Romeo <3 Juliet (2018) sem tilnefnd var til DER FAUST verðlaunanna 2019. Halla frumsýndi verkið Sylph (2023) með Cullberg í Dansens Hus í vor sem fer á sýningarferðalag 2024.

Halla hefur unnið sem danshöfundur með dansflokkum líkt og Cullberg (SE), Iceland Dance Company (IS), Böler Samvirkelag (NO) og Gärtnerplatztheater company (DE). Sem dansari hefur hún unnið með hópum og listafólki um alla Evrópu og Norður Ameríku líkt og: Samlingen, Dorte Olesen, Inpex, Nadja Hjorton og The Knife. Halla hefur gaman af að gera tilraunir með ólík tjáningarform og listgreinar og hefur t.d. leikið í kvikmyndum eftir Ester Martin Bergsmark, Sidney Leoni og Joachim Koester.

Erna Ómarsdóttir (t.v.)

Lestu um Ernu hér

Danshöfundar og listrænir stjórnendur:
Erna Ómarsdóttir & Halla Ólafsdóttir

Tónlist:
Sergei Prokofiev & Skúli Sverrisson
(Watching Water)
Prokofiev: Romeo and Juliet flutt af Sinfóníuhljómsveit Lundúnarborgar
Stjórnandi: André Previn

Sviðsmynd:
Chrisander Brun

Vídeó:
Valdimar Jóhannsson í samstarfi við Ernu Ómarsdóttur & Höllu Ólafsdóttur

Búningar:
Karen Briem & Sunneva Ása Weishappel

Lýsing:
Pálmi Jónsson

Tæknistjóri:
Ida Juhl

Verkefna- og æfingastjórn:
Andrean Sigurgeirsson & Kata Ingva

Sýningastjóri:
Kata Ingva

Sviðsmenn:
Þorbjörn Þorgeirsson
Guðberg Hrafnsson

Dansarar:
Bjartey Elín Hauksdóttir, Elín Signý Weywadt Ragnarsdóttir, Erna Gunnarsdóttir, Eydís Rose Vilmundardóttir, Félix Urbina Alejandre, Inga Maren Rúnarsdóttir, Luca Pinho Seixas, Saga Sigurðardóttir, Sarah Fisher Luckow, Shota Inoue.