Íslenski dansflokkurinn tekur þátt í opnunarhátíð Bleiku slaufunnar

Opnunarhátíð Bleiku slaufunnar fer fram á stóra sviði Borgarleikhússins föstudaginn 30. september. Vegleg dagskrá verður í boði þar sem fjölmargir listamenn stíga á svið og mun forseti Íslands frú Halla Tómasdóttir ávarpa samkomuna.

Meðal þeirra sem fram koma er Íslenski dansflokkurinn sem mun sýna stutt brot úr nýjasta verki sínu, Flóðreka, sem Aðalheiður Halldórsdóttir vinnur nú að í samstafi Jónsa (Sigur Rós). Verkið í heild sinni verður frumsýnt í Borgarleikhúsinu þann 8. nóvember.

Hátíðin er öllum opin og hvetjum við almenning til að mæta, njóta fjölbreyttrar dagskrár og taka þátt í að styðja mikilvægt málefni Bleiku slaufunnar.